BINOSA.INFO - “Valentine Day” ka Loron Domin La’os Loron Sexual, Domin Lolos mak Respeita malu, Haraik an, la Obriga no la halo Violénsia
Hatene ona ka lae…?
Saida mak “Valentine Day” ka Loron Domin…? No Tamba saida mak kada tinan ita selebra Loron Domin iha 14 febreiro…?
Hakarak hatene nia Istória le’e kontestu ne’e to’o hotu, hodi bele hatene no komprende Selebrasaun Loron Domin nian.
Loron Domin nu'udar "Valentim " ka " Valentine day" ita Selebra kada Tinan iha loron 14 Fevereiru.
Data ne’e henesan referensia ida ba padre Romano ho Naran Valentino, iha tempu uluk iha Rai Italia sira iha funu, nune’e iha tempu ne’ebá Liurai Claudio II mak ukun.
Ne’e duni Liurai Claudio II hasai ordem ida hodi bandu Joven sira atu labele simu Kazamentu, tanba sei presija joven barak hodi funu.
Maibe iha momentu ne’e, Padre Valentino fó Kazamentu sub-subar ba joven sira, atu hamenus joven no Evita mós Funu la bele funu bei-beik, hodi bele kria fila fali Unidade no Paz iha sira ida-ida nia sosiadade laran.
Rona tiha ida ne’e, Liurai Claudio II dehan ba Padre Valentino katak; “ita bo’ot kontra tia ona bandu ne’ebe ha’u halo”, Ho nune’e Liurai Claudio II haruka nia Soldadu sira ba kaer Padre Valentino hodi ba kastigu iha Prizaun.
To’o iha Prizaun laran Padre Valentino halo belun di’ak ho Señor Antero. Señor Antero iha oan feto ida naran Júlia ne’ebé matan delek desde nia moris mai. Señor Antero sempre hateten ba nia oan feto atu visita nafatin Padre Valentino, Feto oan ne'e mós gosta haruka aifunan ba Padre Valentine hanesan símbolu amizade nian.
Iha loron 14 Fevereiru 269 Santu Valentino atu hala'o Pena Mate nian maibé antes atu hala'o Santu Valentino rai hela karta rohan ida ba Señor Antero atu fó ba nia oan feto Júlia, Iha karta laran hakerek “Domin Husi Ha’u Valentino".
Santu Valentino depois hetan Pena Mate, ema baku nia no tuda nia depois mak tesi tiha nia kakorok no hakoi iha Igreja Praksedes Roma Itália.
Loron tuir mai Julia simu karta refere, Husi karta ne'e mosu milagre bo’ot ida tanba Júlia ne’ebé matan delek bele haré Lia-Fuan sira ne’ebé hakerek iha karta laran.
Relasiona ho Istória ne’e maka to’o ohin loron, Mundu tomak Rekonese Padre Valentino nia espiritu Domin no esforsu tomak ne’ebe nia halo atu kuda domin no bele hetan paz hodi halakon funu.
Nune’e mós to’o ohin loron Nasaun sira iha Mundo inklui Timor-Leste liu-liu foinsa'e sira komemora loron ne’e Hanesan Tradisaun ida.
Selebrasaun Loron Domin ita Espresa sentimentu domin husi fuan ba fuan no Oferese prezente ba malu hanesan Karta Domin, Postal, Aifunan no Chocolate ka prezente furak seluk.
Ha’u Hanesan foinsa’e ida Ho Laran Ksolok ha’u hakarak hato'o Votus Wa’in ba Selebrasaun Loron Domin nian, iha momentu ida ne’e ita Selebra Loron Domin. Uza Loron espesial ida ne’e ho responsabilidade atu revitaliza fo hikas atitude hahalok responsabilidade no carinho ba ema sira ne’ebe ita hadomi no respeita ida-idak nia desizaun Ka Preferência.
Domin mak uza tempo lolos hodi espresa Hanoin Nebé Di'ak no respeita dignidade ema nian. Loron Domin reflete mai ita hotu atu fahe Domin no Hadomi ba ema hotu la signifika presiza sai parseiru/a mak bele iha Domin, maibe ita tenki hametin ita-nia relasaun Domin ba ema hotu.
Loron Domin La’os Loron Sexual, Domin Ne’ebe Lolos mak respeita malu, haraik aan, la obriga no la halo violência. tuir modernizasaun ka era ida agora joven sira haluha nia familia hanoin no preokupa deit nia Doben, balun promete atu ba fatin nebe mak especial, balun promete atu troka kado no balun promete atu troka buat hotu-hotu, maibe haluha presente ba nia familia sira liliu Inan-Aman.
Ita hotu ho "Fiel" katak, Domin ne'e mai husi Na'i Maromak, nune'e Maromak rai hela iha ita-nia fuan laran hodi banati tuir ba ita ida-idak nia moris, maka Na'i Maromak rasik nia Liafuan hatete nune'e, "Fahe Ó nia Domin ba ema hotu, loron ida Ó sei hetan ksolok wa'in iha reinu Lalehan"
Espera iha loron ida ne'e Na'i Maromak sei haraik nafatin nia Grasa no Domin wa'in ba ita ida-idak, hodi bele banati tuir iha ita nia moris no aplika ba "Vida Sosiál" atu bele hametin nafatin ita-nia relasaun Domin ba malu.
Ha’u Marsiano Siqui Estudante DIT hakuak bo’ot ba familia no kolega sira hotu, liu husi Loron espesial ida ne’e atan ha’u la iha Prezente furak ida hodi oferese ba imi, maibe ho komprensaun tomak ha’u respeita no haraik an ho ha’u nia vontade tomak katak Domin ba imi no ita hotu la iha Rohan. Ksolok Loron Domin!
Komentar
Posting Komentar